Margmiðlunarhönnunin var ofsalega góð undirstaða fyrir Listaháskólann og ég stóð vel að vígi að öllu leyti, bæði tæknilega og í bóklegum fögum.

Félagslífið í Borgó var virkilega gott og það gátu allir fundið sér eitthvað við hæfi, hvort sem þeir voru á félagsfræðabraut eða í bifvélavirkjun.

Í dag starfa ég sem lögfræðingur og nýti það sem ég lærði í Borgó á hverjum einasta degi, hvort sem er í mannlegum samskiptum eða við almenn fræðistörf.

Sálfræðideildin er talin vera ein af fjórum erfiðustu deildunum í Háskóla Íslands og var grunnur minn fyrir þetta nám einstaklega góður.

Mér fannst Borgó frábær af mörgum ástæðum en það sem stóð mest upp úr eftir að ég útskrifaðist var hversu persónulegur skólinn er.

Góðir kennarar ásamt fjölbreyttu úrvali af námsleiðum gerir skólann sérstaklega áhugaverðan og veitir fólki góðan grunn fyrir framtíðina.

Eitt af aðalsmerkjum skólans eru kennararnir. Fyndnir, skrýtnir, gáfaðir, sérstakir, fallegir og frumlegir kennarar sem beittu skemmtilegum kennsluaðferðum og gáfu nemendum frelsi til að vinna eftir sínu áhugasviði.

Eftir að ég byrjaði í Borgó þá gekk mér vel og með stuðningi og hjálp frá kennurum og starfsfólki skólans uppgötvaði ég að skóli og nám átti mjög vel við mig og að ég væri bara nokkuð góður námsmaður.

Í Borgó geta allir fundið sér eitthvað við sitt hæfi, og það var þess vegna sem mér leist svo ótrúlega vel á skólann.

Áhugi minn á sálfræði kviknaði í Borgó og var námið þar virkilega góður undirbúningur fyrir háskólanámið. Mikið úrval var af sálfræðiáföngum sem voru fjölbreyttir, skemmtilegir og krefjandi.

Borgarholtsskóli reyndist mér mjög vel til undirbúnings fyrir háskólanám. Ég byrjaði upphaflega á því að læra bifvélavirkjun við skólann.

Það sem mér fannst best við Borgó hvað varðar kennslu er hversu mikið sjálfstæði maður fékk til að skila inn sínum verkefnum.

Ég var dálítið smeykur við áfangakerfið til að byrja með en þegar ég fór að átta mig á því fékk ég byr undir báða vængi og gat stjórnað mínum eigin námshraða.

Ég verð einnig að fá að minnast og þakka fyrir þann góða stuðning og það ótrúlega andrúmsloft sem skapaðist á meðan ég tók þátt í Gettu betur fyrir hönd skólans.

Ég mæli hiklaust með skólanum fyrir hvern sem er enda býður hann upp á fjölbreytileika í námi svo flestir ættu að geta fundið eitthvað við sitt hæfi.