Nokkur atriði varðandi skrifleg próf og framkvæmd þeirra.

• Áfangastjóri birtir próftöflu skólans. Nemendur geta nálgast ljósritað eintak á skrifstofu skólans.  Hún er einnig birt á vef skólans.
• Próftaflan sýnir niðurröðun prófa í öllum áföngum, prófdaga og próftíma.
• Próf eru haldin tvisvar á hverjum prófdegi, kl. 9 og kl. 13. Í undantekningartilfellum eru próf einnig haldin kl. 11.
  
• Kennarar eða ábyrgðarmenn prófa skulu  skila prófum fjölfölduðum til prófstjóra, a.m.k. 24 tímum fyrir próf. Viðkomandi kennarar skulu ganga úr skugga um að fjölföldun sé rétt.  Skila þarf 1 eintaki fyrir hvern próftaka, a.m.k. 1 aukaeintaki fyrir hverja prófstofu og 1 eintaki fyrir skjalasafn skólans.
• Yfirsetukennarar fari tímanlega í prófstofur, undirbúi þær þannig að nemendur geti sest í rétt sæti og hafið próf á auglýstum tíma.
• Yfirsetukennari skal í upphafi prófs gera nemendum grein fyrir reglum sem gilda um próftöku og viðurlög við því að hafa rangt við í prófi.
• Yfirsetukennari ber saman nafnalista sem er innan á kápu skjalamöppunnar sem inniheldur prófin og skilríki próftaka.
• Yfirsetukennarar gangi þannig frá prófúrlausnum, að þeim sé raðað eftir nöfnum kennara og síðan í stafrófsröð nemenda.  Skila á úrlausnum til prófstjóra að loknu prófi.
• Yfirsetukennarar gæti vel að því að nemendur skili prófúrlausnum á tilsettum tíma.  Engar undantekningar eru á þessu nema skriflegar séu frá náms- og starfsráðgjafa (sérúrræði í prófum).
• Verði yfirsetukennari var við að nemandi hafi rangt við í prófi, skal strax gera upptæk sönnunargögnin (svindlmiða eða slíkt).  Nemandinn skal sitja í sæti sínu þar til kallað hefur verið á prófstjóra sem fylgir nemanda til skólastjórnenda, þar sem úrskurðað verður í málinu.
• Nemanda sem staðinn er að misferli í prófi skal vísa frá prófi og getur hann átt von á brottvikningu úr skóla, tímabundið eða til frambúðar, eftir alvarleika brots. Hið sama gildir um misferli þar sem námsmat felst í öðru en skriflegu eða munnlegu prófi.
  
• Kennarar sækja prófúrlausnir til prófstjóra að loknum prófum.